جنش يهاجم إدارة الزمالك بسبب أزمة مستحقاته وأمير مرتضى يرد عليه
هاجم محمود عبد الرحيم "جنش"، حارس مرمى نادي الزمالك، إدارة ناديه بسبب عدم حصوله على مقدم عقده حتى اللحظة الحالية، متسائلًا أن كان سبب ذلك، إصابته، هو ما جعل الإدارة تتجاهل طلبه أم شيء آخر، قبل أن يرد عليه أمير مرتضى منصور المشرف على الكرة بالنادي أن الأمر نفسه يحدث مع باقي لاعبي الفريق باستثناء لاعبين لظروف طارئة لديهم، وأن الأمر مسألة وقت لا أكثر.
كتب محمود جنش على حسابه عبر موقع التواصل الإجتماعي "انستجرام": "عن أَبِي هُرَيْرَةَ عَنِ النَّبِيِّ صَلَّى اللهُ عَلَيْهِ وَآله وسَلَّمَ قَالَ: «لَا يَشْكُرُ اللهَ مَنْ لَا يَشْكُرُ النَّاسَ» رواه أبوداود في "سننه". وانا أتقدم بخالص الشكر والتقدير إلى الاتحاد المصرى لكرة القدم على تحمل كافة تكاليف علاجي حتى الآن وأشكر جمهور نادى الزمالك العظيم على مشاعركم الجميلة ومساعدتى في تخطى الأزمة والعودة سريعا إلى الملعب فدمتم لى خير إخوة وأؤكد أنى لم أحصل على مقدم تعاقدي من نادى الزمالك حتى الآن ولا أعرف السبب هل هو بسبب إصابتى؟ أو بسبب شىء آخر".
ليرد عليه أمير مرتضى منصور المشرف على الكرة بنادى الزمالك عليه قائلًا: " أحب أرد عليك قدام الناس علشان حقك و حقهم يعرفوا لأنك سألتني قبل كده ورديت عليك بيني و بينك لما جيتلك البيت ورغم أن نظام الفريق منع الكلام في الإعلام و السوشيال ميديا بس هرد عليك، لا السبب مش إصابتك طبعاً يا كابتن .. تقدر تسأل كل زمايلك في الفريق على مقدم الموسم الجديد حصلوا عليه ولا لأ !! جميع اللاعيبن باستثناء اتنين لاعيبة فقط هما اللي حصلوا على المقدم علشان كان عندهم ظروف طارئة يعني مثلاً فرجاني و بو طيب طارق حامد و محمود علاء و الونش و محمد حسن زيزو وعمر السعيد و عبدالله جمعة وأوباما و غيرهم لسة مخدوش مقدم الموسم الجديد .. أما بالنسبة للاعيبة الجديدة(الصفقات ) فالطبيعي أن يقبض المقدم مع التوقيع وفيه برضه ناس لسة مقبضتش وقالوا مفيش مشكلة نقبض مع زمايلنا بما أنك سألت عن السبب قدام الناس فأحب أقولك أن الشركة الراعية متأخرة في دفع مستحقات كل الأندية حتى المقاصة كانت مش هتذيع الماتش بسبب مستحقاتهم تقدر برضه تسأل زمايلك في أندية تانية باستثناء بيراميدز".
وأضاف: "عقود الرعاية و البث التليفزيوني هي ٩٠٪ من
قبل أن يرد عليه جنش قائلًا: "وانا برضه هرد علي حضرتك أن أنا برضه عندي ظروف و كلمتك كتير و خليت وكيلي يكلمك و كلمت ك زاهر وجيت النادي و حضرتك خلتني قاعد ٦ ساعات عشان ٢٠٠٠٠٠ ألف جنيه".
وتابع: " في الآخر حضرتك كلمت وكيلي قولتله أدي جنش ١٥٠٠٠٠ ألف من معاك وعلي العلم برده انا عقدي مش كبير زي أغلب اللاعبين اللي حضرتك ذكرتهم و بعدين سؤال بس هو فيه حد استحمل النادي أكتر مني ودا مش كلامي دا كان كلام حضرتك صح برده والا إيه أه حاجة تانية المفروض لما اتصاب يكون ناديه أكتر حد داعم ليا وجانبي مش كدا والا ايه".