الزمالك يُهنئ الأهلي ببطولة الدوري.. ويؤكد: القادم أفضل

 هنأ أمير مرتضى منصور، المشرف على الكرة بنادي الزمالك، النادي الأهلي عقب التتويج ببطولة الدوري العام هذا الموسم.

 

 قال أمير مرتضى، في تصريحاته عبر أون سبورت: "مبروك للأهلي على الدوري، وزي ما قولنا هاردلك على أفريقيا لازم نبارك على الدوري".

 

وأضاف أمير مرتضى: "مشاركة محترفي الزمالك في أمم أفريقيا أثرت على مستواهم في المباريات الثلاث".

 

 وتابع أمير مرتضى تصريحاته: "جروس طلب لاعب أو اثنين على الأكثر خلال الموسم المنقضي، وكان سيستغنى عن عدد كبير من اللاعبين، ولكني أخبرته بأن الموسم لا يزال طويلًا وسنحتاج للاعبين في المباريات المقبلة".

 

 أضاف: "مفيش لاعب في الزمالك هيقعد غصب عنه، ومفيش لاعب هيمشي من النادي غصب عننا، إحنا محتاجين اللاعيبة، إحنا أولى بيهم، ولو حد مشي لازم يكون في بديل بإمكاناته

نفسها".

 

 تابع: "في لاعيبة في الزمالك اتكلمت مع أندية تانية، والموسم شغال عشان فاكرين إنهم هيمشوا لأنهم ملعبوش، السيتي وليفربول قالوا مش هيجيبوا لاعيبة عشان مش محتاجين، ولا في سوشيال ميديا بتحركهم ولا قنوات بتحركهم، ممكن يجيبوا لاعيبة جديدة الموسم اللي بعده، جروس طلب لاعبًا أو اثنين في يناير، وكان عايز يمشي لاعيبة كتير، قولناله الموسم طويل لسه الأهلي جاب صفقات عشان ينافس أفريقيًا مش محليًا".

 

 اختتم حديثه قائلًا: "الزمالك قام بموسم ناجح وحصد بطولتين، والقادم أفضل".