تعرف على تفاصيل مكالمة عادل إمام التي أبكت إسعاد يونس

 

كشفت النجمة الكبيرة "إسعاد يونس" عن تفاصيل المكالمة التي دارت بينها وبين الزعيم عادل أمام عبر صفحتها الرسمية بموقع التواصل الاشهر "فيسبوك"، لافتة إلى أنها انهارت من البكاء بعد أن اشاد الزعيم بها وببرنامجها "صاحبة السعادة" المُذاع على قناة CBC.

وقالت إسعاد أن الزعيم طالبها بتغير اسمها من "إسعاد يونس" إلى "إسعاد مصر" وهو الأمر الذي دفعها للبكاء لدرجة جعلتها تفقد القدرة على مواصلة المكالمة.

تفاصيل المكالمة..

الموبايل بيرن

ايه النمرة دي؟

ده الأستاذ، و النعمة هو، الزعيم عادل إمام بذات نفسه، يا حلوللي

- آلو، معقولة؟، التليفون نور يا زعيم

- يا إسعاد

- نعم يا أستاذ

- انا عايزك تغيري إسمك

- انت تؤمر يا أستاذ يا حبيبي، أخليه إيه؟

- تخليه إسعاد مصر

- يارب يخليك يا حبيبي ، ( مخضوضة و صوتي بيحشرج بالعياط )

- بتكلم بجد، انتي ما بقيتيش إسعاد يونس، انتي بقيتي إسعاد مصر

- ( عياط )

- أنا ما بفوتلكيش حلقة يا اسعاد، انتي بتسعديني و بتسعدي مصر كلها

بقية الكلام جميل و رائع ومختلط بدموعي بجد، يا حبيبي يا حبيبي يا حبيبي، مش عارفة اقول حاجة غير كده، ومش عارفة أقول حاجة تاني لحد دلوقتي، كبيره منك يا كبير، ربنا يخليك ليا ويبارك في كل لحظة ف عمرك، بحبه يا ناس حب بحجم موهبته وكاريزمته وصموده وبكل دقيقة من سنين العشرة الطيبة الجميلة.