(عفا الله عما سلف).. أول رد من أحمد السقا على هجوم مها أحمد
رد النجم أحمد السقا على الهجوم التي شنته عليه الفنانة مها أحمد هو والنجم أمير كرارة، وذلك عبر صفحته الرسمية على موقع التواصل الاجتماعي الشهير "فيسبوك".
وكتب "السقا" عبر صفحته قائلًا: "العشرة بتحكم الواحد.. والعيش والملح عقد.. وعفى الله عن ما سلف يا أختى العزيزة (مها)".
وكانت تضمنت رسالة الفنانة مها أحمد ما يلي: "عوضي على الله دى الجملة اللى دايمًا بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كدة مع أي زميلة لهم أقربها أنا".
وأضافت: "النجم الأولانى بينى وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف إنى إضافة له اتهرب منى وموقفش جنبى وباعنى رغم أن الكل عارف أنى زى أخته (ندل)".
أما التانى كان فبداياته يتمنى يسلم عليا ويقولى يا أستاذة نزلت من نفسى وقلتله مش هنشتغل مع بعض ما هى الحوجة مرة
واستكملت كلامها: "تمر الأيام والاتنين يعلو ويتجمعوا مع بعض فمسلسل واحد (على عينهم طبعًا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية الدراما كاملة لصالحها وهما (مخدماتية للأستاذة)".
واختتمت: "يمهل ولا يهمل، أبدوا من جديد يا أوفر تمثيل ياللى مبتقروش يا كمبارس جنب النجمة. نصيحة بلاش تتشطروا على اللى كان بينكم وبينهم عيش وملح بلاش تتشطروا على أساتذتكوا. (عوضنا على الله).. يارب متحوجنا لحد حتى ولو كان أقرب الناس لينا".