"أبناء مبارك" يهاجمون نجل جمال عبد الناصر

هاجم عدد من "أبناء مبارك"، عبدالحكيم عبدالناصر، نجل الزعيم الراحل جمال عبدالناصر، بسبب تصريحاته التى اتهم فيها الرئيس المخلوع محمد حسنى مبارك، بطمس تاريخ والده.

جاء ذلك خلال وقفة نظمها "أبناء مبارك"، ظهر اليوم الاثنين، أمام المجمع الطبى للقوات المسلحة بكورنيش المعادى، للاحتفال بذكرى نصر أكتوبر المجيد.
وتساءل وحيد سماحة أحد أبناء مبارك، عن موقف عبدالحكيم عبدالناصر المناهض لمبارك، رغم كونه اختيار الزعيم الراحل جمال عبدالناصر لإعادة بناء سلاح القوات الجوية فى أعقاب نكسة 1967، واختيار السادات له فيما بعد نائباً له، بعد قيادته لسلاح القوات الجوية فى حرب أكتوبر 1973.
وأضاف موجهاً حديثه إلى نجل الزعيم الراحل، خلال حديثه لـ"بوابة الوفد"، قائلاً: "لو كان جمال عبدالناصر سمعك دلوقتى وسمعك وانت بتهاجم أنور السادات وحسنى مبارك كان زمانه انتحر، عشان دول أولاده وأولاد المؤسسة العسكرية المصرية".
وقال أحمد محمود أحد مؤيدى مبارك، إنه لا يُلقى بالاً للتصريحات المسيئة للرئيس المخلوع حسنى مبارك، مؤكداً أن تاريخ مبارك وحده هو من سيحكم لصالحه أو ضده.
وتابع: "لو بنقول دلوقتى إن الرئيس السادات هو بطل الحرب ودى حقيقة..فالسادات نفسه هو اللى أشاد بدور القوات الجوية فى حرب أكتوبر، ولما اختار نائب له، أختار قائد القوات الجوية دون غيرها من أسلحة القوات المسلحة.. واحنا هنا عشان نرد له جزء من حقه ونقوله إحنا فاكرين دورك".
وأضاف: "للأسف، المصريون نسوا إنجازات الرئيس مبارك..اللى من ضمنها المترو اللى وقف ساعة يوم الخميس الأسود اللى الكهرباء قطعت فيه عن مصر كلها وحركة البلد اتشلت، دى حاجة بسيطة من اللى عملها..والطريق الدائرى اللى لما بيقف نص ساعة بتتشل معاه حركة البلد..بعد ما كنا عايشين 30 سنة ما نعرفش انقطاع الكهرباء ولا الانفلات الأمنى".