"رجعي الصوت الشتوي والعيون الشتوية".. نصائح ياسمين عز للسيدات في 2023
احتفلت الإعلامية ياسمين عز بالعام الجديد 2023، وحرصت في حلقتها الأخيرة من برنامجها "كلام الناس" المذاع على قناة MBC مصر على توجيه نصائحها للسيدات مع بداية العام الجديد للحفاظ على حياة زوجية سعيدة والابتعاد عن المشاكل.
اقرأ أيضًا.. محمود العسيلي ينصح ياسمين عز بشأن الرجال.. والأخيرة ترد (فيديو)
وقالت ياسمين عز موجهة حديثها للسيدات متابعات برنامجها: "السنة دي إديتك نصيحة مش موجودة على جوجل، مش موجودة غير في البرنامج ده الصوت الشتوي، أهم نصيحة صوتك الشتوي اللي نسيتيه يا هانم بعد الجواز يرجع، والعيون الشتوية، استخدميهم مع الراجل 24 ساعة".
وجاءت نصائح الإعلامية ياسمين عز للسيدات كالتالي:
- " حولي للصيفي مع الولاد، لكن الراجل يرن ترجعي شتوي، والعيون الشتوية مصاحبة للصوت الشتوي، وإنت بتكلميه ضيقي عينيكي وخليها سهتانة ودبلانة عشان يحس بنوع من البراءة، ولو عندك طفلة صغيرة إتعلمي منها الحركات ".
- " لو جمعنا الصوت الشتوي والعيون الشتوية، هتعيشوا حياة فوق فوق فوق، مستحيل أي ست تدخل دماغه وهو عنده كنز شتوي في البيت ".
- " ماجدة الرومي غنت للراجل عيناك ليال صيفية، الراجل لازم يكون صيفي في الصوت والأداء، إنت مصرية يعني نفرتيتي أو كليوباترا، يعني فرعونة وهو فرعونك الصغير الكبير ".
- " متبقيش زنانة وفتانة ومتخليش سيرتكم لبانة الحاجة تطلبيها من جوزك مرة واحدة بس معملهاش تفكريه بيها ".
- " حاجتين متعمليهمش في 2023 إنه ينادي عليكي وتعملي مقموصة، ومترديش أو تتخانقوا فترزعي الباب في وشه، غير مسموح إنك تعملي تصرف زي ده ".
- " بلاش تسأليه وهو نازل أنت رايح فين، الجملة دي لغوها، حسسيه إنك واثقة فيه ".
- " العبي دور الأم في حياته وادعي له دعوة حلوة، ولو حصلت له حاجة حلوة عقله لا إراديا هيترجمها أنه بفضل دعوتك وهيتبارك بيكي، ولو اتخانقتكم سيبيه يزعق ومترديش والتزمي الصمت ".
- " لو اتخانقتي مع جوزك حطي نفسك على وضع الطيران وخلي على لسانك دايما الخمس كلمات دي حاضر ونعم وتمام وأوامرك وشكرا ".
لقراءة المزيد من الأخبار اضغط هنا