جنون الأسعار يؤجل أفراح الشباب

ارتفعت تكاليف الزواج في الفترة الأخيرة بالتزامن الجنونية فى اسعار الذهب، الأمر الذي تسبب في عزوف عدد غير محدود من الشباب عن الزواج، سواء كانوا من الذكور أ والإناث، فالكل يتألم من ارتفاع التكاليف.

 

اقرأ ايضًا:- إتاحة ملف التطور الدراسي لطلاب المسار المصري عبر منصة "أبناؤنا في الخارج"

 

واستفسرت بوابة الوفد الإلكترونية من عدد من الشباب أسباب العزوف عن الزواج فى الفترة الحالية :

 

قال عبد الله "الجواز دلوقتى بقى صعب علينا انا عندى 29 سنه وبشتغل محاسب فى شركة ومرتبى يادوب بيقضينى، ولكن كل سنه الاسعار بتزيد عن السنه اللى قبلها، ولما بتروح تتقدم لوحده اهلها بيبدأو الموضوع عاوزين هدية الخطوبة او الشبكة بمبلغ وقدره ودلوقتى علشان تجيب دبلتين وحاجات بسيطه اقل حاجه 20 الف جنيه".

 

وتابع "علشان الشباب تتجوز فعلا لازم يكون فى تنازلات شوية من الاسر فى طلبتهم ويراعوا الشباب لان فى البداية بنسمع كلمة احنا بنشترى راجل وفى الاخر بتلاقيهم بيشتروا حاجات خارج استطاعة الراجل".

 

كما قالت فاطمة 23 عاما، وتعمل موظفه، "ممكن اوافق بدبلة وخاتم لان الموضوع قائم على الموده

والرحمه، لما باجى اشترى بعض الاجهزه الكهربائية بلاقى ان الاسعار مرتفعة جدآ وده حمل كبير جدآ على الاسر ويمكن انا مش ملزمه بشراء اى حاجه ولكن بساعد اهلى فى بعض الاجهز وبلقى نفسى فى صدمة من الاسعار المتغيره يوم عن التانى".

 

وقال علي 27 عاما ، عامل فى احد المصانع "أنا خاطب حاليآ ولكن كل يوم الاسعار بتزيد يوم عن التانى وبتخلينى أجل غصب عنى لان الحسابات والتفاصيل فى اعداد البيت بتزيد وبتالى بآجل، وده اسبابه الازمه الاقتصادية وبعض الاهالى اللى بتطلب كتير جدآ من الشباب فى طلبات الجواز لازم الناس تتهاون شوية علشان الشباب يقدر يتجوزوا ويبنوا بيت" .

 

طالع المزيد من الأخبار على موقع alwafd.news