تداول صور لكوبري سميرة موسى بالقاهرة الجديدة "القصة الكاملة"

 حالة من الجدل على مواقع التواصل الاجتماعي، خلال الساعات الماضية، بسبب انتشار فيديو الكوبري الجديد، وتسأل الذين أعادوا نشر الصور له، باحثين عن معلومات وتفاصيل عنه وحقيقته.

 اقرأ أيضًا.. تحويلات مرورية وغلق كوبري بالقاهرة "تفاصيل"

 أظهرت الصور الارتفاع الملحوظ وغير المعهود للكوبري، إذ سادت حالة من الذعر  بين مستخدمي موقع التواصل الاجتماعي «فيس بوك» من الكوبري الجديد، إذ أعادوا نشر تدوينة مرفقة بصورة له، كُتب فيها: "للسادة المهندسين، هو أبعاد الكوبري ده طبيعية؟"

 وأضاف: "أنا لما طلعت عليه كنت خايف جدًا، وحسيت إنى طلعت السما والسحاب والشمس تحتي، فقررت إني مش هطلع تاني عليه، لأني حاسس إنه فيه حاجه غلط! فياريت لو حد متخصص يوضح لي.. ملحوظة.. ده الكوبري الجديد اللي من التجمع الخامس ويوصل لزهراء مدينة نصر".

 حقيقة الكوبري المثير للجدل

 وردت صفحة التجمع لايف بفيديو من أعلى الكوبري، ومنشور قالت فيه: «حقيقة الكوبري المثير للجدل في التجمع، فيديو حصري لصفحة التجمع لايف، ده الكوبري الجديد في محور الدكتورة سميرة موسى اللي عليه جدل في التجمع الخامس».

 وأضافت أيضًا: "أنا مش مهندس مدني ولا متخصص طرق، بس شايف أن الكوبري عادي جدًا زيه زي أي كوبري في الطلوع والنزول والفيديو عبارة عن جزئين، الجزء الأول وأنت طالع ونازل من الكوبري والجزء الثاني بجوار الكوبري، تقدروا تتفرجوا على الفيديو وتحكموا".

 وتابعت: "بصراحة المحاور الجديدة اللي بتتعمل في مصر عمومًا والتجمع خصوصًا نقلت الطرق في حتة تانية خالص، ملحوظة إن الطريق تحت الإنشاء والفيديو تم زيادة سرعته عشان تقليل الوقت، أنا بحكي اللي شوفته، وممكن يكون الفيديو الثاني معمول له زوم أو حاجة زي كده، مش عارف بصراحة ومش بحب أحكم على حد".

 وجاءت الصور التى انتشرت للكوبري، هو كوبري سميرة موسى، أحد كباري القاهرة الجديدة، ومن أهم المحاور الجديدة التي أنشأت

 محور سميرة موسى

 يقع شرق محافظة القاهرة ضمن محاور عدة، من بينها محور جيهان السادات، الذي يربط بين وسط البلد وميدان رمسيس وصولًا إلى طريق الأوتوستراد، ومحور حسب الله الكفراوي، الذي يربط بين جنوب القاهرة، بمنطقة المعادي وإلى حي الأسمرات.​​​​​​​​​​​​​​

 فيما يبلغ ارتفاع كوبري سميرة بأعلى محور المشير طنطاوي، عند منطقة المنصة، إلى ما يزيد عن 25 مترًا، وتم تنفيذه وفق المعايير العالمية والمواصفات والأكواد المتعلقة به.

 وقال الإعلامي عمرو أديب، بعد تداول مقطع الفيديو المتداول عن كوبري سميرة موسى، وإدعاء البعض عدم مطابقته للمواصفات الهندسية، مشيرًا إلى أن العدسة وزاوية التصوير من بعيد تُظهر إن الكوبري كشكل تسونامي.

 وقال أديب خلال برنامجه "الحكاية" عبر فضائية "mbc مصر"، مساء الجمعة: "زاوية التصوير هي التي صورت أن الكوبري بذلك الشكل، والفيديو المتداول أخدوه عند الإخوان وأحنا بنحب نجري ورا التريند".

 وتابع مقدم "الحكاية" قائلًا: "طيب اللي شير الفيديو حقق وسأل وعرف أن الكوبري عادي والعربية ممكن تطلع عليه، أحنا مش بنتكلم عن كوبري في الصين"، مضيفًا: "شكل الكوبري بالكاميرا العادية طبيعي جدًا والعربية بتطلع الكوبري عادي جدًا زي مطلع أي كوبري".