صور- صفاء مصطفى "سفيرة التضامن".. أم مثالية صنعت بطلة

"أنا أم.. شوفت زي غيري الصعب، والصعب لما شد حيله، خلق أمل، أمل جديد بعيشه كل يوم مع ابنتى لبنى، نعمة ربنا وهديته، وأنفاسي وطموحي ونجاحي".. بهذه الكلمات بدأت صفاء مصطفى الأم المثالية الأولى على مستوى الجمهورية عام 2020 حديثها لـ"الوفد".

 

وقالت صفاء مصطفى فى حديثها لـ"الوفد": "يمكن البداية كانت بحلم.. حلم إني يكون أصلا عندي بنت.. ربنا إداني لبنى.. بس جات لبنى بمتلازمة داون.. ورغم الألم والمشاكل.. فضلت قوية وصامدة وجمب بنتي وفي ضهرها".

 

وتابعت قائلة: "ربنا قدرني وقدرت أدخل بنتي مدرسة علشان تتعلم لأن ده أبسط حقوقها.. بس وقتها قررت أحصل على عدد من الكورسات علشان أشتغل في نفس مدرستها، عايزة أكون جمبها خطوة بخطوة، واشتغلت فعلا

بشكل تطوعي، وتطُّور لبنى كان مكافئتي الكبيرة".

 

وأوضحت قائلة: "لبنى بدأت رياضة السباحة وأثبتت نفسها في الرياضة دي، كسبت كتير من البطولات، وشاركت أيضا في عدد من المؤتمرات بحضور الرئيس عبد الفتاح السيسي".

 

وأشارت صفاء مصطفى إلى أن وزارة التضامن قدمت الدعم والسند لابنتها حتى استطاعت الاستفادة  بكارت الخدمات المتكاملة والمميزات التى يوفرها الكارت لذوي الإعاقة.

 

واختتمت الأم حديثها قولها: "لبنى بقت بطلة قوية، حلمي بيتحقق فيها وهي لسة عندها أحلام كتير عايزة تحققها".