رغم تحويلها للتحقيق.. حنين حسام تظهر بفيديو جديد: طلبت بنات محجبة

تصدرت حنين حسام، طالبة كلية أثار بجامعة القاهرة، معدلات الأكثر تداولاً عبر موقع التواصل الاجتماعي تويتر، بعد إحالتها اليوم إلى التحقيق لقيامها بسلوكيات تتنافى مع الآداب العامة والقيم والتقاليد الجامعية.

ورغم تحويلها إلى التحقيق، ظهرت الطالبة حنين حسام ببث فيديو آخر، تبرر خلاله تصرفاتها، قائلة إن "هناك حملة عليا من بعض الأشخاص عن طريق فيديو انتشر بشكل كبير على مواقع التواصل الاجتماعي، وده كان فيديو على استوري إنستجرام الخاص بي".

وأضافت الطالبة حنين حسام في فيديو لها على موقع الصور والفيديوهات الشهير "إنستجرام": "لقيت ناس بعتتلى فيديو انتشر على فيس بوك لمذيع يتحدث عني، وبصراحة المذيع لعبها صح لأنه قص الفيديو بتاعي من استورى إنستجرام، وحللها على مزاجه، واللايفات شغل زيها زى أي شغل".

وتابعت: "الممثلين دلوقتى بقوا يطلعوا يعملوا لايف، هل ده معناه أن الفنانين بيشتغلوا في الدعارة؟ وفيه برنامج اسمه لايكي زي تيك توك، وفيه جزء خاص باللايفات فى كل دولة فى العالم، زى ما فى مشاهير عندنا فى مشاهير فى كل دول العالم بيعملوا لايفات.

 

واستغاثت حنين حسام باكية: "قبل ما تعملوا حاجة أو تشيروها لأى شخص

تحروا الدقة، فيه شائعات بتطلع بتدمر سمعة الشخص من ورا اللى بتعملوه.. أنا ماطلعتش قولت كلمة خارجة فى الفيديو علشان أتمسك أنا أول مرة أعيط فى فيديو ده أنا حتى قولت أنا عاوز أدب وأخلاق وما بحبش الحال المايل، وطلبت بنات محجبة مش بنات عاديين".

 

وأضافت "ليه كل الناس بتشير الحاجات الوحشة ومفيش حد بيشير حاجة خير، هتستفادوا إيه لما تدمروا حياة البني آدم، لو أنت مش عاجبك المحتوى ما تتفرج بس إحنا كمان لينا أهل".

قرر الدكتور  محمد الخشت رئيس جامعة القاهرة، إحالة "حنين حسام" الطالبة بـ كلية الآثار، إلى التحقيقات، بالجامعة لقيامها بسلوكيات تتنافى مع الآداب العامة والقيم والتقاليد الجامعية، كما صرح مصدر بأن هذه الإجراءات ربما تصل إلى فصلها من الجامعة نهائيًا.