فتوى إهدار دم البرادعى

لو حانهدر دم حرض عالنظام يبقى تِّدوا جايزة لإللى يقول تمام طيِّـبوا خاطرهُ الحزين لو بخطوة للأمام أكلوا ولاده بروتين , علموهم بإهتمام لملموهم م الشوارع بدرى من قبل الفطام لبسوهم شبعوهم لاجل ما تقدر تنام فى الشريعة باردو قالو الضرب فى الميت حرام طب دا حكم إللى يحرض عالنظام أحكمولى عاللى كَل سحت و حمام وإللى شاهد بس ممنوع م الكلام و إللى عارف باع بكام و السفر بقرار علاجة من الزكام وإللى فوق الفتة عام لو حانحكم بالشريعة مش حانلقى إيدين سُلام رجعونا للورا , أخرونا ألف عام إحنا مش دولة خلافة أو إمام إللى حرض عقل واعى خد كفايته من العلام فكره نال تأييد جماعى من قنا لدار السلام وإللى حابب يتشهر يفتى فتوة تشيع سلام مش يرسخ فكر دامى كل ما يفلت زمام لما يبقى الراعى يتخفى و يخرج فى الظلام يسمع الأنات و صوت

البرد يخبط فى العظام و ف ضيقتنا يشد قبلينا الحزام حاتلاقينا صف واحد مش هلام لما يبقى العدل سايد , كلنا مكيالنا واحد فى المصايب و الشدايد , نبقى أقوى من الرخام طول ما فيه تخمة و نحافة , و الفتاكة بقت ثقافة و التملق زى آفة , من فلانه و من سُخام تلقى أكوام السخافة , من فتاوى ومن خرافة لو ننادى بالنضافة مش حانبدأ بالعوام حللوا خيانة الأمانة , حرَّموا فى الإعتصام ليكو حق الإستهانة و لينا حق الإتهام وإللى يحكم بيننا واحد أقوى من كل إنتقام