حمامات ومراوح المدينة الجامعية بالأزهر خارج نطاق الخدمة.. والطلاب يستغيثون
استغاث عدد من طلاب وطالبات المدينة الجامعية بجامعة الأزهر الشريف، من انقطاع المياه منذ أكثر من 6 أيام في بعض المباني دون أي اهتمام من إدارة المدينة بإعادتها مرة أخرى.
ونشر الطلاب عدد من الفيديوهات التي توضح انقطاع المياه عن أحد مباني المدينة الجامعية، وكذلك عطل المراوح الخاصة بغرف الطلاب والطالبات على عكس مكاتب مديرين المبنى التي تعج بالمراوح على حد قول الطلاب.
وجاء في شكوى أحد الطلاب: "اسف لو في منظر مش كويس ده منظر يرضي ربنا؟ الماية قاطعة بقالها 6 ايام في المبني حرام عليكم. ولا ماية ولا مراوح ولا ايه حاجة، مفيش مسؤول مهتم بخدمات المدينة خالص مش فاضين غير انه تتصوروا لما تيجوا وبس ولا العيش اللي فيه صرصار انهاردة في اول تعليق هنزلوا"، موضحًا أن هذا مبنى ٤ ن اقتصادي.
المراوح لا تعمل ودرجة الحرارة 43
وجاءت استغاثة أخرى لإحدى الطاابات تقول فيها: "إلي نائب رئيس الجامعة، لحد امتي هنفضل نترجا في المشرفين انهم يصلحوا المروحة، دا اقل واجب يتعمل مع طلاب المدينة.. الأوضة فيها ١٥ طالبة والحر لا يطاق لو حضرتك ترضاها علي بناتك فأحنا موافقين، لكن اروح للمشرفه الاقي عندهم ١٥٧٤ مروحه شغاله واللي محطوطة علي كرسي، واللي محطوطة علي مكتب وكله شغال ده ميرضيش ربنا.. أتمنى من حضرتك يكون في تصرف تجاه الامر ده، والا حضرتك مش حاسس بالطلاب وقاعد تحت التكييف؟".
