منى زكي: حضن أحمد حلمي "عادي" دا جوزي

أعربت الفنانة منى زكى، عن سعادتها بحصولها على جائزة أفضل ممثلة فى مهرجان "السينما العربية"، وردود أفعال الجمهور.

وأضافت "زكي"، خلال مكالمة هاتفية فى برنامج "راديو سكوب" الذى يذاع على الراديو 9090: "أنا معرفش ليه حصل الانفجار دة، ولكن الطبيعى إن هو جوزى وهو يفرحنى وأنا كنت فرحانة بزيادة وأحمد جوزى وبيساندنى، وممكن الناس بقالها كتير فى ظروف مش طبيعية، وشوية أحداث مش لطيفة الناس بقالها كتير مشافوش حد ممكن يكون انبسط أو حد بيظهر امتنانه وحبه يمكن ده حصل.

واستكملت "مني" حديثها قائلة: أنا شايفاها حاجة عادية مش غريبة، وشرف لينا أكيد إحنا مبسوطين بحب الجمهور لينا وبنقدره

وبنحترمه.

وعن أبرز ردود الأفعال التي جذبت انتباهها قالت: "أنا سعدت من كلام بنوتة كانت كاتبة منى زكى مش أحسن منك واتكلمت عن الراجل اللى المفروض يكون سند وشايفاها حقيقة البنت المفروض تتجوز المفترض تتجوز عشان حبت شخص لإن هو ده الشخص الحقيقى كل حاجة بتروح بعد مدة إنما العشرة الحلوة هى اللى بتفضل عشرته حلوة معناها إن فى ثقة وإحترام وحوار متبادل وحاجات كثير.