بالفيديو.. خالد الغندور يكشف سبب رفضه الاتصال بمرتضى منصور للرد على ميدو
أكد الإعلامي خالد الغندور أنه غير مدرك سبب هجوم الكابتن أحمد حسام "ميدو"، المدير الفني السابق لنادي الزمالك، عليه خلال لقائه مع الإعلامي عمرو أديب ببرنامج "القاهرة اليوم".
وقال، خلال برنامجه "اللعبة الحلوة"، المذاع على فضائية "LTC": "الناس بتقول إن ميدو أهانك، وبيقول ان خالد اتغير ماعدا طوله، معتقدش إن ميدو اللي انا شلته وهو بيبي صغير، معتقدش ان ميدو ممكن يقول كده".
وأضاف، "الزمالك بعت 6 أو 7 لوائل الابراشي، هل ده علشان يغطي على لقاء ميدو، وميدو بيقطع في مرتضى منصور علشان مصلحته وتمت إقالته.. طب ولو مرتضى منصور أهلاوي حتى النخاع، ليه ميدو وافق، اكتر من مرة، انه يشتغل معه، ولو مايوكا إسرائيلي طب ميدو لاعبه ليه في ماتش الإسماعيلي".
وتابع، "مع احترامي للجميع في حاجة غلط، وان اللي بيحصل انتقام بين الطرفين والاتنين غلطانين وعندهم كوارث، وواضح
واستطرد قائلاً: "انا بكل سهولة ممكن اكلم رئيس النادي وهيدخل وممكن كل اللي ميدو قاله عن مرتضى هيترد عليه، بس انا فارق معايا المثل والأخلاقيات.. مرتضى منصور هيبهدل ميدو، وأنا ممكن اعمل سبق، لأنه ممنوع في معظم القنوات بقرار من غرفة صناعة الإعلام".
وأضاف، "بس ده لا يمكن يجي دلوقتي على التليفون لأنه أكيد دلوقتي شايط وممكن يشتم ويهين ميدو بطريقة رهيبة وبألفاظ خارجة.. وأنا لا أقبل ده ويروح في ستين داهية الإعلام والمهنية والمشاهدات".
الفيديو..